Ra’iisul Wasaaraha Xukuumadda Soomaaliya mudane Xasan Cali Kheyre iyo wefdi uu hogaaminayey oo maalmahaan ku sugnaa dalka Turkiga ayaa maanta dib ugu soo laabtay dalka.
Waxaa Garoonka diyaaradaha Aden Cadde ee magaalada Muqdisho ay kusoo dhaweeyey masuuliyiin katirsan dowladda Soomaaliya.
Mudane Xasan Cali Kheyre ayaa intii uu ku sugnaa dalka Turkiga kulamo xaaladda dalka la xirira lasoo qaatay madaxda dowladda Turkiga, iyada oo waxyaabihii ay ka wada hadleen isku soo fahmay iyadoo Turkiga iyo Soomaaliya ay galeen heshiis ay ku sameysanayaan isbaheysi istiraatiiji ah.
Ra’iisul Wasaaraha dalka ayaa sidoo kale Turkiga intii uu joogay soo booqday dhaawacyada musiibadii 14-ka October ee kujira Isbitaalada dalka Turkiga.
