Wafdi uu hoggaaminayo Ra’iisal wasaaraha xukuumadda Soomaaliya Xasan Cali Kheyre ayaa ku sii jeeda magaalada Beledweyne ee Gobolka Hiiraan oo fatahaad ay go’doomisay.

Ra’iisal wasaaraha iyo wafdigiisa ayaa lagu wadaa inay magaalada Beledweyne ku tagaan diyaarad Helikobar ah, taasoo ay ugu wacan tahay in garoonka magaalada Beledweyne ay biyo fadhiyaan oo in muddo ah aanu shaqeyneynin.

Kormeerka Ra’iisal wasaaraha ayaa ku saabsan sidii uu indhihiisa ugu soo arki lahaa xaaladda magaalda Beledweyne oo inta badan dadkii ku noolaa ay ka barakaceen, iyadoo xaalad culus ay ku heysato daafaha magaalada.

XUkuumadda Soomaaliya ayaa guddi u saartay gurmadka dadka ku waxyeeloobay fatahaadda webiga Shabelle ka geystay gobollada Hiiraan iyo Sh/Dhexe.