Taliska Booliska Soomaaliya ayaa xilalkii ka qaaday taliyaha qeybta Waliyow Cadde ee G/Banaadir iyo qaar ka mida taliyeyasha Booliska degmooyinka Gobolka Banaadir.
Taliyaha Ciidamada Boolisa ayaa u magacaabay C/fataax Bashiir Cali inuu noqdo taliyaha Qeybta Weliyow Cadde ee Gobolka Banaadir oo ay hoos yimaadaan degmooyinka Muhiimka ah ee ay ku yaallaaan xarumaha dowladda sida Madaxooyada.
Waxaa kaloo taliye xigeenka Qeybta Weliyow-Cadde loo magacaabay Shuceyb Cabdi, iyadoo isna Bashiir Cabdi Siyaad oo loo magacaabay Taliyaha saldhiga Booliiska ee Degmada Hodan.
Wararka ayaa sheegaya in xilalkii laga qaaday ilaa 10 taliyeyaasha saldhigyada booliska degmooyinka Gobolka Banaadir, waxaana la magacabay xubnaha soo socda:
Saldhiga Xamar Weyne: Axmed Qadar
Saldhiga Warta Nabadda: Xuseen Cad Ceed
Saldhiga Degmada Kaaraan: Liibaan shidane
aldhiga degmada Hodon: Bashiir Cabdi Siyaad.
Saldhiga degmada Hilwaa: Cali Calasow Goofjooge
Saldhiga Degmada Boondheere: Najiib Carab
Saldhiga degmada Dharkaynley: Ismaaciil Muuse
Saldhiga degmada Waaberi: Mooshin
Waa isbedelkii ugu weynaa ee mar qura dhaca waxaana saraakiishan ay intooda badan u ahaayeen taliyaashii Nabadsigidda Degmooyinka Gobolka Banaadir ka hor inta aan loo soo wareejin Ciidankan Policka.
Taliyeyaasha cusub ayaa ka yimid ciidamada NISA ee laga dhigay Booliska, horeba u ahaa askartii xasilinta Gobolka Banaadir.
Magacaabiddan ayaa kusoo beegmeysa iyadoo xaalada amniga caasimadda uu sii xumaaday, maanta weerar lagu qaaday xarunta wasaaradda Shaqada iyo Shaqaalaha ee degmada Shangaani oo ilaa 10 qof lagu dilay, kuwaasoo uu ka mid ahaa Wasiir ku xigeenkii Wasaaradda Shaqada.
