Madaxda dowlada Soomaaliya ayaa ka qeyb galay caleemo saarkii maanta ka dhacay magaalada Baydhaba ee madaxweynaha maamulkaasi C/casiis Xasan Maxamed (Lafta-gareen).
Madaxweynaha Soomaaliya Maxamed C/llaahi Farmaajo, Guddoomiyaha Baarlamaanka Maxamed Mursal Sheekh Cabdiraxmaan, guddoomiye ku xigeenka Baarlamaanka C/weli Muudey, wasiiro iyo xildhibannada labada gole ayaa iska xaadiriyey magaalada Baydhaba.
Madaxweynayaasha Maamul goboleedyada waxa kaliya oo caleemo-saarka ka qeyb galay madaxweynaha Hirshabeelle oo xiriir la leh dowladda Federaalka, halka Puntland ay u diray wafdi.
Dhinaca beesha caalaamka ayaa ka baaqsatay ka qeyb galka caleemo-saarka, waxaana goobta ka soo muuqday oo kaliya safiirka Turkiga u fahdhiya magaalada Muqdisho.
