Ra’iisul Wasaaraha xukuumadda federaalka Soomaaliya Xasan Cali Khayre iyo wafdigii uu hoggaaminayo oo maanta dib ugu soo laabtay Muqdisho ayaa si weyn loogu dhoweeyay Garoonka Muqdisho.

Waxaa garoonka uga hortegay Wasiirad xukuumaddiisa oo farxsan ay ka muuqatay, waxaan ka dhex muuqday Wasiirka Amniga Maxamed Abuukar Islow, Wasiirka Boostada iyo Isgaarsiin Cabdi Xasan Canshuur, wasiirka Waxbarashada C/llaahi Goodax Barre, wasiiro kale iyo xubno ka tirsan labada Gole.

Xukuumadda ayaa ka gudubtay shalay su’aalo adag oo kasoo wajahay Baarlamaanka, iyadoo xaaldda Amniga Muqdisho dood culus ka taagneyd, taasoo xukuumadda u ahayd caqabad ka hartay.