Ciidamada madaxtooyada ayaa mar kale tababar loo soo xiray, kaasoo ka mida tababarro xriir ah oo u socday ururka 60-aad ee ilaalada madaxtooyada loo yaqaan Koofi-Gaduud.
Xaflada lagu soo bandhigay ciidamada loo xiray tababarka waxaa ka qeybgalay Wasiir ku-xugeenka Gaashaandhigga C/llaahi Colaad Rooble iyo Taliyaha ciidanka xoogga dalka Gen. C/weli Jaamac Warsame (Gorod), waxaana la sheegay in ciidamada tababarka loo xiray ay gaarayeen 200 askari.
Tababarka ayaa socday muddo saddex bilood ah, sida uu sheegay taliyaha ururka 60-aad ee Madaxtooyadda G/le Odowaa Yuusuf Raagge waxay ciidankan qaateen tababarro kala duwan oo ay ugu horeyso la dhaqanka shacbiga iyo masuuliyiinta imaanaya madaxtooyadda.