Shirkadda Diyaaradaha Ethiopian Airlines (Ethiopian) ayaa ku dhawaaqday liiska 30 dal oo ay joojisay inay duulimaad ku tagto oo ay Soomaaliya ka mid tahay, kadib amarro kasoo baxay dowladaha dalalkaasi oo looga hortegayo faafista cudurka Coronavirus.
Liiska dalalka aysan tegi doonin diyaaradaha shirkadda Ethiopian airlines waxaa ka mida dalal badan oo Afrika Yurub iyo Asia ku yaalla. Ra’iisal wasaaraha Itoobiya Abiy Ahmed ayaa maanta ku dhawaaqay in dhammaan rakaabka imaanaya dalka Itoobiya la gelin doono 14 maalmood oo karantiil ah, waxaana la xiray Baararka iyo goobaha lagu caweeyo.