Waxaa Garoonka Addis Ababa uga hortegay wasiiro ka tirsan Xukuumadda Itoobiya oo uu horkacayo Wasiirka Maaliyadda Axmed Shiddo

Madaxweynaha xilkiisu dhammaaday ee Soomaaliya Maxamed C /llaahi Maxamed (Farmaajo) ayaa saaka ka degay magaalada Addis Ababa ee dalka Itoobiya si uu uga qeybgalo munaasabadda dowladda cusub ee Itoobiya iyo caleemo saarka Ra’iisal wasaare Abiy Ahmed.

Maxamaed Farmaajo waxaa halkaasi kusoo dhoweeyay Wasiiro ka tirsan dowladda Itoobiya oo uu horkacayey Wasiirka Maaliyadda Axmed Shiddo, Wasiirka Arrimaha Dibadda Birtukan Ayano, Wasiirka Waxbarashada Getahun Mekuria, waxaana Farmaajo la socday xubno kooban.

Waxaa xafladda sidoo kale ka qeyb galaya Madax ka tirsan Afrika, waxaana ka mida madaxweynayaasha Nigera, Senagal, Jabuuti, Wasiirka Arrimaha Dibadda Algeria, Madaxda IGAD iyo mas’uuliyiin kale.

Ra’isal wasaare Abiy Ahmed ayaa markii labaad la caleemo saaray Ra’iisal wasaaraha dalka Itoobiy Abiy Ahmed, waxaana sidoo kale la dhaariyay madaxda cusub ee dowladda Itoobiya.