Taliska Ciidamada Booliska Soomaaliya ayaa magaalada Dhuusamareeb diyaarad ku geeyay 19 sarkaal Boolis ah oo loo magacaabay xilalka talisyada Booliska ee Gobollada iyo degmooyinka Galmudug.
Saraakiishan oo uu hoggaaminayey Taliye ku-xigeenka Koowaad ee ciidamada Booliska Soomaaliya Jen. Cismaan Maxamed C/llaahi ayaa lagu soo dhoweeyay magaalada Dhusamareb ee xarunta Dowlad goboleedka Galmudug, iyadoo ay la socdaan saraakiisgan, waxaana lagu wadaa in loo kala diro degaanada loo magacaabay.
Waa tiradii ugu badneyd ee sarkaal Boolis ah oo Taliska Booliska Federaalka uu mar kaliya u magcaabo dowlad Goboleed, kadibna uu u daabulo degaanada maamulkaasi, iyadoo arrintan ay caddeyn u tahay in Maamulka Galmudug aanu awoodin inuu soo magacawdo taliyeyaasha Booliska degmooyinka iyo Gobollada hoos yimaada.
Halkan ka akhriso Magacyada Saraakiisha Booliska & xilalka loo magacaabay
