Qeybtii afraad ee ciidamada Gorgor ayaa tababar loogu qaaday maanta dalka Turkiga, iyadoo halkaasi kusoo qaadan doona leyli loo carbinayo ciidamada kumaandooska.

Ciidamadan oo ah ururkii afraad ee loo tababarro kumaandoos ayaa waxaa garoonka Muqdisho ku sii sagootiyey Mas’uuliyiin uu horkacayo Wasiirka Gaashaandhigga xukuumadda Somalia Xasan Cali Maxamed (Amar-Dambe), waxaana qaaday diyaarad weyn oo nooca milateriga, ayna leedahay dowladda Turkiga.

Ururkii saddexaad ee ciidamada kumaandooska Gorgor ayaa toddobaadkii hore dalka kusoo laabtay magaalada ay tababar adag kusoo qaateen dalka Turkiga, waxaana sii kordhaya ciidamada ay Turkiga u tababarreyso dowladda Somaaliya.