Sida ay sheegeyso saadaasha ay sameeyeen ee cimilada waxaa hoos u dhacday halistii laga digay duufaan iyo roobab dabeylo wata inay ku dhuftaan degaano ka tirsan Puntland iyo Somaliland.
Qoraal kasoo baxay Hay’ada Cuntada Adduunka ee FAO iyo hay’adda raacsan ee SWALIM ayaa lagu sheegay in duufaantii KYARR ee ku wajahneyd degaanada Soomaalida inay hoos u dhacday halisteeda, isla markaana aanay hadda jirin cabsidii ahayd inay duufaantaasi dhulka soo gaarto, sida ay muujineyso saadaashii ugu danbeysay.
Ma jirto halis degdeg ah oo duufaanta Kyarr ay ku tahay dhulka Soomaalida, laga bilaabo Jimcaha 1-da Novembar 2019, iyadoo aan lasoo sheegin wax halis ah oo degaanadaasi laga soo sheegay.
