Maamulka K/Galbeed ayaa maanta soo gabgabeeyay Doorashada xildhibaannada Golaha Shacabka ee degaanada maamulkaasi laga soo doorto.
Xildhibaannadii ugu danbeeyay oo ah 7 ayaa maanta kuso baxay doorasho ka dhacday magaalada Baydhaba oo la sii ogaa xubnaha kusoo baxaya, sida caadiga u ah doorashadii ka dhacay maamulka K/Galbeed.
Liiska Magacyada Xildhibaannada maanta kasoo baxay Magaalada Baydhaba ayaa kala ah:
1- HOP047: Waxaa kusoo baxday Xaawo Sokor Cali. Waxaa kursigan hore ugu fadhisay Wasiirka Haweenka Xaniifo Maxamed Ibraahim Xaabsade oo Madaxweynaha K/Galbeed meesha ka saaray, Walaalkeed uu qaatay kursi ka mida Aqalka Sare.
2- HOP164: Waxaa kusoo baxay wasiirka Arrimaha gudaha Koonfur Galbeed Maxamed Abuukar Cabdi. Waxaa kursigan hore ugu fadhiyay Maxamed Isaaq Cusmaan (Fanax).
3- HOP172: Waxaa kusoo baxay Taliyaha Ciidanka Asluubta Soomaaliyeed Jeneraal Mahad Cabdiraxmaan Aadan oo soddog u ah lafta-gareen. Waxa kursiga horey ugu fadhiyay Cali Cadow Maxamuud.
4- HOP204: Waxaa kusoo baxay Wasiirka Amniga Maamulka Koonfur Galbeed Isaaq Cali Subag, waxaana kursigan dacwad ka gudbiyey oo musharax u ahaa Wasiirka Gaashaandhigga Cabduqaadir Maxamed Nuur.
3- HOP197: Waxaa kusoo baxay Guddoomiyaha Gobolka Baay Cumar Cali Isaaq Balash, waxaana horay ugu fadhiyay Wasiirkii hore ee howlaha guud C/fatax Maxamed Ibraahim Geesey.
6- HOP181: Waxaa kusoo baxday xildhibaan Maryan Macalin Isaaq oo kursigaan horay ugu fadhiday, mar kalena kusoo laabatay.
7- HOP179: Waxaa kusoo baxay Maxamed Keerow Maxamed, iyadoo uu hore ugu fadhiyey oo uu Maxamed Axmed Garweyne. Waana kursigii ugu danbeeyay ee Golaha Shacabka oo laga soo doorto Baydhaba.
