Kulamo xiriir ah oo magaalada Kambala ay ku yeesheen labada musharax ee Shariif Sheekh Axmed iyo C/raxmaan Faroole ayay ku gaareen heshiis qarsoodi ah.

Xogta ay heshay Goobjooge.com ayaa sheegeysa in C/raxmaan Faroole oo markii horeba raadinayay heshiis iyo awood qeybsi ah uu ka baxay wadahadal iyo is afgaraduu la gelay musharaxa Xasan Sheekh Maxamuud, isagoo u wareegay dhinaca musharaxa Shariif Sheekh Axmed.

Heshiiska qarsoodiga ah ee dhex maray C/raxmaan Faroole salka ku haya in Faroole codkiisa iyo xildhibaanada uu heysto ku taageero musharaxa Shariif Axmed, kaasoo haddii uu ku guuleysto xilka wasiir u magacaabi doona wiilka uu dhalay Faroole ee Maxamed C/raxmaan, isla markaana jago safirnimo ah la siin doono.

Faroole ayaa isaga haraya tartanka musharaxnimada madaxweynaha Soomaaliya, waxayna qeyb ka tahay isbaheysiyada loogu jiro in lagu hanto jagada madaxweynaha Soomaaliya.

Goobjooge.com