Wararka laga helayo xafiiska Guddoonka Baarlamaanka Soomaaliya ayaa sheegaya in dowladda Mareykanka ay mowqif cad ka qaadatay Mooshinka laga keenay guddoomiyaha Baarlamaanka Soomaaliya Maxamed Sheekh Cismaan (Jawaari).

Go’aankan ayaa la gaarsiiyey Ra’iisal Wasaare Xasan Cali Kheyre oo dhowaan Garoonka Diyaaradaha Muqdisho loogu yeeray kulan uu la qaatay sii-hayaha Safiirka Mareykanka Martin Dale, waxayna wararku sheegayaan in Mareykanku ka horjeedo mooshinka Jawaari, isagoo dalbaday in waanwaan lagu dhammeeyo arrinta.

Mareykanka ayaa muujiyey welwelka ay beesha caalamka ka qabto xiisad siyaasadeed oo dib u dhac ku keenta shaqadii Baarlamaanka iyo xukuumadda, taasoo halis ku ah horumarkii la gaaray  sanadkii la soo dhaafay.