Monday, October 26, 2020
More

    XOG: Mursal & Lafta-gareen oo isku heysta jago Wasiir iyo khilaaf hareeyay Golaha Wasiirada cusub

    Khilaaf ka taagan dhismaha Golaha Wasiirada ayaa hareeyay Madaxtooyada Soomaaliya, iyadoo la isku heysto xubno cusub oo kusoo biiraya Golaha Wasiirada ee laga sugayo inuu soo dhiso Ra’iisal wasaaraha cusub.

    Xilka ugu adag ee la isku heysto ayaa ah Wasiirka Gaashaandhigga, iyadoo uu meesha ka baxayo Wasiir Xasan Amar-danbe, waxaana xilkan mid waliba mas’uul u wata oo doonaya Madaxweynaha K/Galbeed C/casiis Xasan Maxamed Lafta-gareen iyo Guddoomiyaha Baarlamaanka Maxamed Mursal Sheekh.

    Ad

    Xogta aanu helnay ayaa sheegeysa in Madaweynaha K/Galbeed C/casiis Lafta-gareen uu xilka Wasiirka Gaashaandhigga u wato Xasan Cabdi Nuur oo ah xildhibaan ka tirsan Baarlamaanka Federaalka, halka Guddoomiye Maxamed Mursal uu isna doonayo in xilkaasi loo magacaabo la-taliyihiisa gaarka ah C/qaadir Maxamed Nuur (Jaamac) oo hore u soo noqday taliye ku xigeenka NISA.

    Arrintan ayaa dib u soo celisay xiisadii siyaasadeed iyo loolankii awoodda ee ka dhaxeeyay Madaxweynaha K/Galbeed iyo Guddoomiyaha Baarlamaanka oo muddooyinkii danbe xal loo raadineyay, waxaana arrintan soo dhex galay Madaxweyne Maxamed C/llaahi Farmaajo iyo Ra’iisal wasaare Maxamed Xuseen Rooble oo kulamo is-dabajoog ah la yeeshay Guddoomiye Mursal si ay ugu qanciyaan inuu tanaasulo.

    Xilliga magacaabista Golaha Wasiirada cusub ayaa sii dhammaanaya iyadoo muddo bil ah oo uu heystay Ra’iisal wasaare Rooble ay hadda ka harsan tahay 8 maalmood oo kaliya.

    Warar Xul ah

    NAGULA SAAXIIB BARAHA BULSHADA: Like Saar

    148,683FansLike
    2,066FollowersFollow
    5,660FollowersFollow
    148,683FansLike
    2,066FollowersFollow
    5,660FollowersFollow

    TOP NEWS

    Maxkamadda Ciidamada oo xukunno ku riday Alshabaabkii ka baxsaday Xabsiga Dhexe iyo 9 Askari oo ka tirsan…

    Maxamadda Darajada koowaad ee Ciidamada Qalabka sida ayaa Maanta xukunno kala duwan ku riday 11 Qof oo ku eedeysan weerarkii ka dhacay...

    Jid muddo Sanado ah u xirnaa Safaarado oo la bilaabay in Dhagxaanta iyo Shubka laga qaado

    Jid muhiim ah oo muddo sanado ah u xirnaa safaarado kala duwan ayaa waxaa hadda socda howl adag oo dhagxaanta looga qaadayo.

    Ra’iisal Wasaare Rooble oo magacii ka bedelay xilliga ‘Kala-guurka’ ee xukuumadiisu kusoo beegantay

    Ra'iisal wasaaraha xukuumadda Soomaaliya ayaa magaca ka bedeley waqtiga 'KALA GURKA' ah ee ay xukuumadiisa kusoo beegantay, iyadoo dalku doorasho gelayo mudaddii...

    Xukuumaddii ugu waqtiga yareyd ee Ra’iisal wasaare Rooble oo la ansixiyey iyo Wasiirada oo la dhaariyey

    Baarlamaanka Federaalka ayaa maanta codka kalsoonida siyey Xukuumadda cusub ee Soomaaliya iyo Barnaamijkeeda. Golaha wasiirada...

    Ganaax lagu riday Haweeney ah Xeer ilaaliye ku-xigeen oo khilaaf ka dhaliyay Hay’adaha Garsoorka (Akhriso)

    Waxaa soo shaac baxay khilaaf u dhaxeeya Maxkamadda Gobolka Banaadir iyo xafiiska Xeer ilaalinta Guud kadib markii ganaax lagu riday haweeney ah...

    Kulan magaalada Nairobi ku dhex maray Xasan Cali Kheyre iyo Sheekh Shariif iyo Arrimaha looga hadlay

    Wararka laga helayo magaalada Nairobi ayaa sheegaya in Ra'iisal wasaarihii hore ee Soomaaliya uu magaalada Nairobi kula kulmay Madaxweynhii hore Shariif Sheekh...

    Weriye C/llaahi Kulmiye: “Nabadsugidda iyo ciidamada Ra’iisal wasaare Rooble ayaa isoo weerarray..”

    Weriye C/llaahi Kulmiye Caddow oo maanta laga sii daayey xabsiga Godka Jilacow oo uu muddo 5 maalin ku dhowaad ah ku jiray...

    WARARKA UGU SHIDAN

    error: Content is protected !!