Madaxweynaha maamulka Jubba Axmed Maxamed Islaan (Axmed Madoobe) ayaa maanta ka dhoofay magaalada Kismaayo isagoo ku sii jeeda magaalada Addis ababa ee dalka Itoobiya, siina maraya Nairobi.
Socdaalka Axmed Madoobe ayaa yimid, iyadoo laga sugayay inuu soo magacaabo qaar ka mida Golaha wasiirada maamulkiisa oo muddo 5 bilood ah xukuumad la’aan ah, waxaana wararku sheegayaan inuu ku saabsan yahay Itoobiya oo u yeertay Axmed Madoobe oo la sheegay inay kala hadli doono dhismaha Golaha wasiirada iyo dacwad uu ka gudbiyay Shariif Xasan Sheekh Aadan madaxweynaha maamulka K/Galbeed oo ku saabsan maamulka ay xildhibaano ku heyb ah Axmed Madoobe ka dhiseen Gobolka Bakool.
Axmed Madoobe ayaa u sheegay saxaafadda inuu u baxayo danta Soomaalida iyo kan Jubbaland, isagoo intaas ku daray inuu culeys weyn saaran yahay Jubbaland, loona diyaar garoobo marti gelinta shirka Madasha Qaran ee 10-ka Bisha Janaayo lagu wado inuu ka furmo Kismaayo.
Goobjooge.com
