Tuesday, September 21, 2021

Beesha Caalamka oo Dalab Culus oo ku saabsan Doorashada u dirtay Maamul Goboleedyada (Akhriso)

Beesha Caalamka ayaa dalab culus oo ku saabsan Doorashada u dirtay maamul Goboleedyada dalka inay si aan dib u dhac lahayn oo dhaqso ah u abaabulaan doorashada Aqalka Sar.

War-saxaafadeedka Beesha caalamka oo looga hadlay shan qodob oo horumar laga gaaray iyo laba qodob oo muhiim ah in la fuliyo ayaa u qornaa sida soo socota:

Saaxiibbada Caalamku waxay soo dhaweynayaan horumarka laga sameeyay hirgelinta Heshiiskii 27-kii May oo ay wada saxiixeen Ra’iisul Wasaare Maxamed Xuseen Rooble iyo Madaxweynayaasha Dowladaha Xubnaha ka ah Dowladda Federaalka waxayna ugu baaqayaan Dowlad Goboleedyada inay si aan dib u dhac lahayn u abaabulaan doorashada Aqalka Sare, oo ahayd inay billaabato 25-ka Luulyo.

Ad

Tusaalooyinka horumarka ah ee ugu dambeeyay waxaa ka mid ah:

1- In la isla qaatay kal-tirsi doorasho oo la cusbooneysiiyay.

2- Inta badan guddiyadii maamulka doorashada hadda waa la dhisay waxayna iska dhex doorteen madaxdooda.

- Advertisement -

3- Guddigii la igmaday ee wasiirada Dowladaha Xubnaha ka ah Dowladda Federaalka ayaa wadatashiyo ku yeeshay magaalada Garbaharrey.

4- Waxaa la qabtay shir hordhac ah ee Guddiga Amniga Doorashada. Ra’iisul Wasaaraha ayaa magacaabay Guddi Danjireyaal Niyadsami (Goodwill Ambassadors) si kor loogu ololeeyo/hormariyo qoondada haweenka ee boqolkiiba 30.

5- Doorashada Aqalka Sare ayaa ka billaabatay Jubaland. Golaha Wadatashiga Qaran ayaa qabtay shirar joogto ah iyo wadahadalo.

Arrimahaaas dhamaantood waa guulo amaan mudan.

- Advertisement -

Waxaan ku baaqaynaa in shaqada harsan ee lagu soo gunaanadayo geeddi-socodka doorashada ay si dhakhso ah horey ugu socoto isla sidii wadar ogolka ahayd. Arrimaha mudnaanta leh ee degdegga ah waxaa ka mid ah:

– In diyaargarow dheeraad ah oo faahfaahsan loo galo amniga doorashada,

– In la kala caddeeyo tallaabooyinka lagu sugayo matalaadda haweenka ee Barlamaanka ee boqolkiiba 30, iyo xallinta muranka weli ka taagan guddiga maareynta doorashada.

Dalalka iyo ururada War-saxaafadeedka soo saaray ayaa kala ah: Hawlgalka Midowga Afrika ee Soomaaliya (AMISOM), Denmark, Jabuuti, Masar, Itoobiya, Midowga Yurub (EU), Finland, Jarmalka, Urur-Goboleedka (IGAD), Ireland, Talyaaniga, Japan, Kenya, Ururka Jaamacadda Carabta (LAS), Holand, Norway, Poland, Qadar, Ruushka, Suudaan, Iswiidhan, Iswisarland, Boqortooyada Midowday ee Britain, Dowladda Maraykanka, iyo Qaramada Midoobay.

NAGULA SAAXIIB BARAHA BULSHADA: Like Saar

159,384FansLike
2,430FollowersFollow
5,853FollowersFollow
159,384FansLike
2,430FollowersFollow
5,853FollowersFollow

TOP NEWS

XOGAHA QARSOON

error: Content is protected !!