Wararka laga helayo magaalada Beledweyne ayaa sheegaya in la hor istaagay doorasho kursi ka mida Golaha shacabka oo maanta k dhici lahayd halkaasi.
Ciidamada Gudoomiyaha Gobolka Hiiraan Cali Jeyte Cismaan ayaa hor istaagay oo dib u celiyay Ergadii Dooran laheyda Kursiga HOP004 oo xalay si degdega musharixiinta u tartamaya shahaadooyin loo siiyey, maantaba la dooran lahaa.
Ciidamada falkan ku dhaqaaqay oo amar ka heysta Gudoomiyaha Gobolka Hiiraan ayaa dib u celiyay Ergada, waxayna ku amreen inay dib u laabtan, iyagoo ka xiray Albaabka xarunta Gobolka.
Arrintan ayaa ka danbeysay qoraal uu xalay soo saaray Gudoomiyaha Gobolka Hiiraan oo uu ku joojiyay Doorshada kursigan, sababo la xiriira xaalad Amni darro.
