Ciidamadii DANAB ee Kumaandooska Milateriga Soomaaliya oo dhowaan la dejiyay garoonka Diyaaradaha magaalada Gaalkacyo ayaa lagu eedeeyay inay afduub ka geysteen magaaladaasi, sida uu shaaciyay mas’uul ka tirsan Galmudug.
Ciidamada Dowladda Soomaaliya ee DANAB ee dhwaan degay Garoonka Diyaaradaha Gaalkacyo oo ay la socdaan Ciidanka Sirdoonka Puntland ee PIS iyo Saraakiil Mareykan ah, sida warka loo dhigay ayaa odayaal ka Afduubtay Dhinaca Koofureed ee Magaalada Gaalkacyo oo hoos tagta maamulka Galmudug.
Duqa Degmada Gaalkacyo ee qeybta Galmudug Xirsi Yuusuf Barre oo warbaahinta shir jaraa’id ugu qabtay Koofurta Gaalkacyo ayaa shaaciyay in Ciidamada yimid garoonka Gaalkacyo ay xaalad amni darro iyo khalkhal ka abuureen Gaalkacyo iyadoo afduubtay odayaal uu ku jiro nin waayeel ah oo miyiga magaalada ka soo galay.
Wuxuu si kulul u sheegay in howlgalkaasi aaan aan lagala tashan maamulka Galmudug oo uu sheegay inuu leeyahay ciidamo Boolis iyo Nabadsugid leh.
Waxaan weli kala caddeyn ujeedka ciidamada la geeyay Gaalakcyo oo warar kala duwan kasoo baxayaan, waxayna arrintan ugu danbeysay ay xaaladda ka dhigeysaa mid cakiran.
DHAGEYSO DUQA GAALKACYO-GALMUDUG
Goobjooge.com
