Kooxda Alshabaab ayaa sheegatay weerar madaafiic ah oo duhurnimadii maanta lagu qaaday xarunta Xalane, degmada Wadajir ee magaalada Muqdisho.
Warbaahinta Alshabaab ayaa baahisay war kasoo abxay Xarakada Al-Shabaab oo lagu sheegay in guutada Madaafiicda Alshabab ay maanta weerar ku qaadeen Xerada Xalane oo saldhig u ah ciidamada AMISOM iyo shaqaalaha Q/Midoobay.
Warka Alsahbaab ayaa lagu sheegay in 7 Madfac lagu duqeeyay Xerada, kuwaasoo dhammaantood ku dhacay gudaha Xerada Xalane.
Jugta madaafiicda ayaa laga maqlay degmada Wadajir iyo degaanada ku xeeran, iyadoo aanay weli wax war ah kasoo saarin hay’adaha amniga dowladda iyo AMISOM.
