Afhayeenka guud ee Alshabaab Sheekh Cali Maxamuud Raage (Sheekh Cali Dheere) ayaa ka hadlay qaraxyadii ka dhacay magaalada Gaalkacyo ee Gobolka Mudug, isagoo ku hanjabay inay sii socon doonaan.
Sheekh Cali Dheere ayaa wareysi uu siiyay Warbaahinta Alshabaab taabacsan ku sheegay in weerarradii shalay ka dhacay magaalada Gaalkacyo ay fuliyeen dagaalyahano istish-haadiyiin ah sida u yiri, ayna ku laayeen in ka badan 50 Askari.
Maamulka Puntland ayuu sheegay inay yihiin “Murtadiin iyo Gacmo-gaalo” loona beegsaday gacansaarka ay la leeyihiin dowladda Itoobiya, iyo fulinta danaha iyo Masaalixda Xabashida.
Wuxuu kaloo Afhayeenka Alshabaab sheegay in weerarkii Madaafiicda ee lagu qaaday Xarunta Wasaaradda Gaadiidka magaaldada Muqdisho uu qeyb ka ahaa howl-gallada joogtada ah ee Alshabaab.
DHAGEYSO AFHAYEENKA CALI DHEERE
Goobjooge.com
