Dowladda Somalia oo shaacisay inay tallaabo ka qaadeyso dadka u hoggaansama Amarrada Alshabaab

Dowladda Federaalka Soomaaliya ayaa markii ugu horeysay War cad kasoo saartay Odayaasha cafiska ugu tegay Alshabaab ee qaatay amarkooda, waxayna uga digtay shakhsiyaadka fuliya amarrada ay bixiyaan malleeshiyada Al shabaab.

Qoraal kasoo baxay Wasaaradda Warfaafinta xukuumadda Soomaaliya ayaa lagu cambaareeyay falalka lagu sheegay bah-dilka iyo xadgudubka ee Argagaxisadu ku hayaan shacabka Soomaaliyeed, waxaana dowladda Somalia ay caddeysayin odayaasha ay soo bandhigayeen kooxda Alshabaab intooda badan aysan aheyn odayaal rasmi ah, ayna yihiin kuwa ay been abuureen una galiyeen koofiyado iyo cimmaamado, isla markaasna ay qasab uga hadal siiyeen.

Ad

“Dowladdu, waxay uga digaysaa qofkasta oo u hoggaansama hanjabaadaha iyo marin-habaabinta kooxda Alshabaab, waxeyna xasuusinaysaa shacabka Soomaliyeed in aan bad-qab lagu helayn u nuglaanshaha hanjabadaha kooxdaas argagixisada ah..” ayaa lagu yiri qoraalka Wasaaradda Warfaafinta Soomaaliya oo intaas ku daray in dowladda Soomaaliya ay tallaabo sharci ah ka qaadi doonto cid kasta oo xiriir dhex maro kooxaha argagixisada ee caadeysatay dhibaataynta shacabka.

HOOS KA AKHRISO WAR-SAXAAFADEEDKA

WAR SAXAAFADEED

Dowladda Federaalka ee Soomaaliya, waxay canbaareynaysaa bahdilka, jajuubka iyo xad-gudubka ay kooxda argagaxisada ee Al-Shabaab ku hayaan dadka Soomaaliyeed,ee ku nool tuulooyinka fog gog iyo meelaha yar yar ay ka taliyaan oo ay beryahaan soo bandigayeen iyagoo jirdilaya oo ku qasbaya in ay hadlaan,taasoo ah dhaqan maafiyo, gef-waynna ku ah Diinta iyo Dhaqanka suuban ee Soomaaliyeed.
Sidoo kale, Dowladda Soomaaliya waxay caddaynaysaa odayaasha ay soo bandhigayeen kooxda Alshabaab intooda badan in aysan aheyn odayaal rasmi ah, ayna yihiin kuwa ay been abuureen una galiyeen koofiyado iyo cimmaamado, isla markaasna ay qasab uga hadal siiyeen.
Dowladdu, waxay uga digaysaa qofkasta oo u hoggaansama hanjabaadaha iyo marin- habaabinta kooxda Alshabaab, waxeyna xasuusinaysaa shacabka Soomaliyeed in aan bad- qab lagu helayn u nuglaanshaha hanjabadaha kooxdaas argagixisada ah.
Waxaana xusid mudan, in kooxda si xoogleh loo wiiqay awoodooda taas oo ay cadayn utahay in ay maalmihii danbe aad u korortay tirada ka soogoosanaysa isla markaana laga saaray goobihii ay ku xooganayeen,waxaana si dar dar leh isku soo dhiibayay saraakiisha iyo horjoogayaasha kooxda Al-Shabaab.
Uga danbeyn, dowladda Soomaaliya waxay tillaabo sharci ah ka qaadeysaa cid-kasta oo xiriir dhex maro kooxaha argagixisada ee caadaysatay dhibaataynta shacabka.

Dhamaad

Warar Xul ah

NAGULA SAAXIIB BARAHA BULSHADA: Like Saar

129,498FansLike
1,256FollowersFollow
3,421FollowersFollow

WARARKA UGU SHIDAN

error: Content is protected !!