Guddiga Doorashada SEIT ee Hirshabeelle ayaa war kasoo saaray doorashada laba kursi oo maanta iyo caawa baaqatay magaalada Beledweyne.

Guddiga ayaa sheegay inay doorashda labada kursi u baaqatay duruufo jira awgeed oo aanay faahfaahin, waxayna mar kale shaaciyeen xilliga la qabanayo doorashadasi.

“Gudiga doorashada Hirshabeelle waxaa uu ogaysiinayaa bulshada Soomaaliyeed iyo murashxiinta u taagan kuraasta kala ah HOP#063 & HOP#011 in doorashadii maanta baaqatay duruufo jiro awgeed, Sidaa daraadeed doorashada kuraastaas waxaa dib loogu dhigay Maalinta Bari ah tr: 23/03/2022 saaacada 06:00 subaxnimo”. ayaa lagu yiri Warka kasoo baxay Guddiga SEIT Hirshabelle.

Ergada iyo Musharixiinta ayaa la faray inay diyaar ku noqdaan goobta doorashada Saacadu marka ay tahay 06:00 waqtiga na ilaaliyaan.