Kulankii Baarlamaanka Soomaaliya ayaa goor dhoweyd ka furmay xaruntooda magaalada Muqdisho, kadib muddo 2 saacadood ah oo la sugayey inuu kooramku buuxsamo.
Kulanka oo maanta loo balansan yahay in looga doodo laba ajende oo kala ah warbixin laga dhageysanayo Guddiga Doorashooyinka iyo qeybinta hindise sharciyeedka wax ka bedelka Sharciga Furdooyinka ayaa ku furmay 141 xildhibaan, waxaana uu furmay 12:00 Duhurnimo.
Xildhibaannada Baarlamaanka ayey caado u noqotay inay kulmadooda furmaan Duhurtii, iyadoo ballanta lasiiyo ay tahay inay xaadiraan 9:00 subaxnimo, fadhiyaduna furmaan 10:00, laakiin maanta xilligaasi waxaa xarunta Baarlamaanka ku sugnaa 30 xildhibaan oo qura.