Faahfaahin dheeraad ah ayaa laga helayaa Qarax gaari oo goor dhoweyd ka dhacay Wadadda Maka Almukaram, gaar ahaan agagaarka isgoyska shaqaalaha ee magaalada Muqdisho.
Qaraxa ayaa la sheegay inuu ahaa Gaari miineysan oo la dhigay meel u dhow hotelka Mubaarak, waxayna wararku sheegayaan in darawalka gaariga oo laga shakiyey ay ciidamada amniga hotelka u yeereen, basle uu goobta ka baxsaday.
Warar kale ayaa sheegay in gaariga qarxay uu lahaa madaxa NISA ee maamulka Galmudug Cabdi Dheere. Qaraxa ayaa dhaliyay qasaare kala duwan, waxaana goobta oo ahayd meel mashquul badan xiray ciidamada amniga, inkastoo aanay cidna waxba ku noqon.
Gaariga qarxay ayaa dab qabsaday taasoo keenay in dadka iyo gadiidka kale laga fogeeyo, waxaana muddo kadib lagu guuleysay in la damiyo dabka oo in ka badan Nus saac socday, laakiin waxaa gubtay 3 gaari.