Madaxweynaha Hirshabeelle Maxamed Cabdi Waare ayaa war kasoo saaray xaaladda maamul Goboleedka Galmudug iyo Baaqa madaxweynaha Maamulka Jubba Axmed Madoobe.
Mudane Waare oo ku sugan Muqdisho ayaa warbaahinta u sheegay inuu ku baaqayo khilaafka ka taagan maamulka Galmudug in waanwaan lagu dhammeeyo, isagoo xusay in dhismaha maamulkaasi dhibaato badan laga soo maray.
Wuxuu ku baaqay in xiisadda la qaboojiyo oo wax la aqbali karo aanay ahayn in maamul dhisan la dumiyo, wuxuuna ugu baaqay madaxda iyo xildhibaanada Maamulka Galmudug inay la yimaadaan qorshe lagu badbaadiyo.
Dhinaca kale wuxuu soo dhoweeyay baaqii Madaxweynaha Jubbaland Axmed Madoobe iyo gogosha uu dhigay Magaalada Kismaayo ay isugu imaanayaan maamul goboleedyada, wuxuuna heegay inay tahay farriin nabadeed, Soomaalinimo iyo in shacabka loo turo.
DHAGEYSO
