Madaxweynaha Turkiga Rajeb Dayeb Erdogan ayaa si kulul u cambaareeyay go’aankii uu madaxweynaha Mareykanka Donald Trump uga baxay heshiiskii Niyukliyeerka Iiraan ee ka dhaxeeyay lix dal iyo dalka Iiraan.
Mareykanka ayuu sheegay inuu noqon doono dhinaca ugu weyn ee qasaaraha kasoo gaari doona tallaabadaasi oo uu ku tilmaamay mid mas’uuliyad darro ah oo dunida iyo Gobolka Bariga Dhexe ku keeni doonta saameyn xun.
Isagoo u wararmayay Telefishanka CNN ayuu Madaxweyne Erdogan caddeeyay inaan loo baahneyn xilligan xiisado cusub oo lagu furo Gobolka dhibaateysan. “Mareykanka ayaa ku qasaari doona, maxaa yeelay waxay ka baxay heshiis ay iyadu saxiixday” ayuu yiri Madaxweynaha Turkiga oo sheegay in heshiisyada la wada galo ay waajib tahay in la dhowro.
Turkiga ayaa ku biiray dalalka ka hor yimid go’aanka Trump uga baxay heshiiska Niyukliyeerka Iiraan oo ay hore u diideen dalalka Midowga Yurub, Ruushka iyo Shiinaha.
