Baarlamaanka Galmudug ayaa maanta dhageysanaya khudbadaha 9 musharax ee u taagan xilalka madaxweynaha iyo madaxweyne Ku xigeenka Galmudug, kuwaasoo si rasmi ah ay u diiwaan geliyeen Guddiga Doorashada Galmudug.
Afar musharax ayaa isu diiwaan geliyey tartanka Doorashada madaxweynaha Galmudug, halka ay 5-musharax ku tartami doonaan Jagada madaxweyne ku xigeenka, waxayna Guddiga Doorashada xalay shaaciyeen inay xirantay qabasha araajida musharixiinta, ayna Doorashada dhici doonto Waqtigii loogu talagalay ee Khamiista Berri.
Musharixiinta u tartamaya xilalka Madaxweynaha iyo madaxweyne ku xigeenka ee sida rasmiga ah loo diiwaan geliyey ayaa kala ah:
MUSHARIXIINTA MADAXWEYAHA GALMUDUG
1- Axmed Cabdi Kaariye (QoorQoor)
2- Axmed Shire Maxamed
3- C/llaahi Axmed Samater
4- C/raxmaan Aadan Sabriye
MUSHARIXIINTA MADAXWEYNE KU XIGEENNADA
1- Axmed Yuusuf Warsame (Taajir)
2- Cali Daahir Ciid
3- Saadaq C/llaahi Xaashi
4- C/qani Sheekh Cali Diini
5- Maxamed Xaashi Cabdi (Carrabey)