Wararka laga helayo magaalada London ayaa sheegaya in weerar toorey ah geystay oo dilay qof dhalinyaro ah u baxsaday masjidka ku yaalla bartamaha magaalada London ee Reben Park.
Weerarkan ayaa loo adeegsaday Toorey ayaa ka dhacay xaafadda Cunningham Place, ee Westminster oo u dhow madjiska, wuxuuna denbiilaha galay masjidka sida laga ogaaday kaamerda CCTV, taasoo keentay inay Booliska fara badan isku xeeraan masjidka Reben Park ee bartamaha London oo ka mida kuwa ugu waaweyn magaaladaasi.
Qofka tooreyda lagu weerarray ayaa dhaawac culus soo gaaray, wuxuuna markii danbe ku dhintay isbitaalka, iyadoo aan la shaacin magaciisa, waxaana kaliya oo la sheegay inuu ahaa wiil dhalinyaro 20 sano jir ku dhow.
Booliska ayaa raadinaya qofkii falkaasi geystay oo la sheegay inuu ku dhex baxsaday masjidka xalay waqtiga London, laakiin waxay sheegeen in falkaasi aanu ahayn mid la xiriira arrimo argagixiso, balse uu yahay dembi caadi ah.
