Weerar duqeyn lama filaan ahaa oo loo adeegsaday 18 diyaaradaha oo nooca Drone-ka ahaa lagu qaaday Xarumaha shidaalka Sacuudiga ugu waaweyn ee Bariga dalkaasi, wuxuuna weerarkaasi keenay in shidaalkii dibadda loo dhoofin jiray uu joogado kala bar (5.7 fuusto maalintii).

Sacuudiga ayaa markii ugu horeysay weriyeyaal geystay labada xarumood ee la duqeeeyay, waxaana ka muuqday burbur xoog leh oo gaaray goobahaasi oo ka mida kuwa ugu waaweyn ee shidaalka laga soo saaro, laguna diyaariyo ee dunida, iyadoo weerarka ay sheegatay kooxda Xuuthiyiinta, balse lagu eedeeyay dalka Iiraan.

Goobaha shidaalka Sacuudiga ee la duqeeyay ayaa waxaa soo gaaray qasaare weyn oo in dib loo hagaajiyo qaadan doono muddo bil ka badan, waxaana daminta dabkii ka kacay goobahaasi ka qeyb qaatay in ka badan 200 shaqaalaha dab damiska iyo shaqaalaha shidaalka.