Maamulka cusub ee Gobolka Banaadir ayaa bilaabay inuu Biro waaweyn ku xiro goobaha laga soo galo xarunta Maamulka Gobolka Banaadir.
Saaka ayaa la arkay iyadoo Waaxda farsamada ee Dowladda hoose bilowday inay Biro waaweyn ku xirto Kontorolada laga Soo galo Xarunta aqalka Dowladda hoose ee Xamar, taasoo la sheegay inay ka dhalatay markii uu koontarooladda yaala xarunta Gobolka uu ka deyriyey Guddoomiye ku Xigeenka Amniga iyo Siyaasadda Maamulka Gobolka Banaadir Mudane Maxamed Cabdullaahi Maxamed.
Agaasime ku Xigeenka Waaxda howlaha farsamada Dowladda Hoose ee Muqdisho Bashiir Shuumbe Shuute ayaa ku dooday in dayctirkan lagu sameynayo kontorolada uu muhiim u yahay in laxaqiijiyo Amniga Xarunta Aqalka Dowladda Hoose ee Xamar.
Jawaano carro iyo shub ku jireen oo hore loogu jaray wadoyinka ku wareegsan xarunta ayaa hadda lagu kordhiyay Birro waaweyn oo aad u culus kuwaasoo lagu wareejinayo irdaha laga soo galo Xarunta Gobolka Banadir, waxaana maamulka cusub ee Gobolka uu cabsi ka muujiyey xaaladda nabadgelyo ee xarunta Gobolka Banaadir.
DAAWO SAWIRRO
