Madaxweynaha Kenya Uhuru Kenyatta ayaa galabta Madaxtooyada Kenya ku qaabilay Ra’iisal wasaaraha Soomaaliya Xasan Cali Kheyre oo booqasho ku jooga dalkaasi.

Farriin uu soo dhigay baraha bulshada ayuu madaxweyaha Kenya Uhuru Kenyatta ku sheegay ujeedada safarka Ra’iisal wasaaraha Soomaaliya iyo waxa ay ku saabsaneyd farriin uu uga siday madaxweynaha Soomaaliya Maxamed C/llaahi Farmaajo.

“Waxaan ku faraxsanahay inaan Guriga Dowladda kusoo dhoweeyo Ra’iisal wasaaraha Soomaaliya Xasan Cali Kheyre oo i soo gaarsiiyey farriin tacsi iyo garab istaag ah oo iiga timid Madaxweyne Farmaajo, kadib weerarkii argagixiso ee Nairobi.. Labadeena dal waxay sii wadi doonaan inay wadajir uga shaqeeyaan dagaalka argagixisada..” ayuu farriintiisa ku yiri madaxweyne Uhuru Kenyatta.