Wasiirka Amniga Maamulka Galmudug Axmed Macalin Fiqi ayaa Soomaalida ugu baaqay inay taageeraan soona dhoweeyaan howlgalka Milareri ee ka socda Gobolka Tigreega ee dalka Itoobiya.

“Waxaa ila haboon in dadka Soomaaliyeed ay soo dhoweeyaan hawlgalka ciidan ee lagu baacsanayo madaxdii iyo ciidamada Tigreega ee dambiyada dagaal ka geystay Soomaaliya 20-kii sano ee u dambaysay si gaar ah sanadihii 2007 & 2008..” ayuu yiri Wasiir Fiqi.

Wuxuu sheegay in Tigreegii madaafiicdooda iyo gaboodfalkoodu uu kala gaaray geeska Afrika si gaar ah bartamaha iyo koofurta Soomaaliya, iyagoo ka geystay xasuuq aan loo meel-dayin, burburin magaalooyin camiran iyo barakicin malaayiin shacab ah, wuxuuna farriintiisa ku yiri: “Waxay maantay ku waajahayaan gurigoodii xaalad adag iyo ciqaab-daran oo la mid ah tii ay umadaha kale badeen”