Ciidamada Amiga dowlada Soomaaliya ayaa soo afjaray weerarkii dableyda Alshabaab ku galeen xarunta Wasaaradda Shaqada iyo Shaqaalaha ee degmada Shangaani, magaalada Muqdisho.

Saddex dabley ah oo ka tirsan Alshabaab ayaa gudaha u galay xarunta wasaaradda waayna ka dagaalamayeen muddo ku dhow 3 saacadood, iyadoo ciidamada ay ku go’doomiyeen qeybta hoose ee wasaaradda, waxaana dabaqa sare laga badbaadiyay qaar ka mida shaqaalaha wasaaradda.

Ciidamada Booliska G/Banaadir oo xarunta taliskooda ay ku dhegan tahay goobta weerarku ka dhacay ayaa si degdeg u gaaray xarunta Wasaaradda Shaqada iyo Shaqaalaha, iyadoo ugu danbeyn soo afjaray howlgalka, isla markaana halkaasi ku dilay saddex dabley oo ka tirsaneyd Alshabaab.