Madaxweynaha maamulka Puntland C/weli Maxamed Cali (Gaas) ayaa galabta tegay magaalada Muqdisho isagoo ay la socdaan wafdi uu hogaaminayo.
C/weli Gaas waxaa sheegay inuu Muqdisho u tegayo sidii uu saameyn ugu yeelan lahaa oo ula socon lahaa doorashooyinka madaxweynaha Soomaaliya, isla markaana Puntland ay kaalin ugu yeelan lahayd isbedelka ka dhacaya Soomaaliya sida uu yiri.
Hadalka Madaxweynaha Puntland waxaa ka muuqda inuu taageersan yahay isbedel ku yimaada hogaanka dalka oo micnaheedu yahay inaan dib loo dooran Xasan Sheekh Maxamuud iyadoo sanadkii 2012 uu sidan oo kale ugu ololeeyay inuu isbedel dhaco xilligaas oo uu taageersanaa Xasan Sheekh.
Wafdiga C/weli Gaas waxaa ka mida guddoomiye ku xigeenka Baarlamaanka Puntland iyo ciidamo ilaalo u ah.
