Waxaa saaka magaalada Muqdisho ka dhacay fulinta Dilal toogasho ah oo lagu qaaday askar ka tirsan ciidamada dowladda oo la sheegay in ahaayeen askar dil u geysatay saaxiibadood.

Maxkamadda Ciidamada Qalabka Sida ayaa aroornimadii xukunka Dil toogashada ah ku fulisay afar ka mid ah akarta ciidamada dowladda ee hore dil-sugaha u ahaa, kuwaas oo kal ah:

1- Bukhaari Cawil Maxamuud oo NISA ka tirsanaa

2- Cali Maxamuud Xuseen oo ciidamada Military-ga ka tirsanaa,

3- Cabdirisaaq Axmed Mukhtaar oo Boolis ah

4- iyo Maxamed Nuur Sheikh Warre oo isagana ka tirsanaa ciidanka Booliiska.

Maxkamadda Ciidamada Qalabka Sida ayaa sheegtay in dhammaan raggan saakay la toogtay ay horay u dileen saaxiibadooda shaqo wadaagga ay ahaayeen, waxaynka kiisaska dilalkooda ay dhaceen sanadkii 2022.