Waxaa goor dhow eyd ka furmay xarunta Baarlamaanka Federaalka ee Villa hargeysa kalfadhigii koowaad ee dBaarlamnanka 11-aad, Kulankiisa 1aad.

Kulankan waxaa guddoomiyana Guddoomiyaha KMG ah ee Golaha Shacabka Danjire C/sallaan Axmed Dhabancad, waxaana xogheyta Baarlamaanka ay shaacisay Ajendayaasha kulankan horyaalla oo kala ah:

1- Furitaanka aayadaha Quranka Kariimka

2- Ansixinta Ajendaha

3- Dhaarinta Xildhibaano cusub

4- Hadal-jeedinta Guddoomiyaha KMG ah Mudane Cabdisalaam Axmed Liibaan

5- Qeybinta Dastuurka

6- Qeybinta Xeer Hoosaadka Golaha Shacabka BJFS

7- Qeybinta habraac kumeel gaar ah ee kala guurka Baarlamanka 10-aad iyo baarlamanka 11aad iyo xeer hoosaadka u gaar ah doorashooyinka Guddomiyaha Golaha Shacabka Iyo Aqalka Sare ee Baarlamanka Federalka Soomaliya iyo Doorashada Madaxweynaha Jamhuuriyadda Federalka Soomaliya.

Xildhibaannada Golaha shacabka ee Baarlamaanka 11-aad ayaa u badan dad ku cusub Baarlamaanka iyo xildhibaannimada oo ay ka mid yihiin dhalinyaro.