Ra’isul Wasaaraha Xukuumadda Xilgaarsiinta Soomaaliya Maxamed Xuseen Rooble ayaa magacaabay Guddiga Amniga xafladda caleema-saarka madaxweynaha cuusb ee Soomaaliya.

Guddigan oo ka kooban toddoba xubnood ayaa waxaa ka mida: Wasiirro iyo saraakiisha ciidamada, iyo agaasimaha NISA, waxayna howshoodu tahay inay ka shaqeyaan sidii xafladda caleemo-saarak nabadgelyo ugu dhici lahayd.

Qoraal kasoo baxay xafiiska Ra’isul Wasaaraha ayaa lagu shaaciyey in Guddiga uu ka kooban yahay:

1- Wasiirka Amniga Qaranka Cabdullahi Maxamed Nuur – Guddoomiye

2- Wasiirka Gaashaandhigga Cabdulqaadir Maxamed Nuur (Jamac) – Xubin

3- Wasiirka Duulista Durraan Faarax

4- Wasiirka Caddaaladda Xasan Xaaji Xuseen

5- Taliyaha Ciidanka xoogga dalka General Odowaa Yususf Raage

6- Taliyaha Booliska General Cabdi Xasan Xijaar

7- iyo Agaasimaha hay’adda Nabad Sugidda iyo Sirdoonka ee NISA Mahad Salaad.

Xafladda caleemo-saarkiisa Xasan Sheekh ayaa ka dhici doonta magaalada Muqdishu 9-ka bisha June, 2022. Xafladdaasi oo la filayo inay kasoo qaybgalaan madax kala duwan oo gudaha iyo dibedda ka kala socota.