Saturday, August 13, 2022

5 Arrin oo ku cusub Golaha Wasiirada Xukuumadda Xamza Barre (Roobow, UPD iyo Wasaaradda..)

Golaha Wasiirada cusub ee maanta la shaacinayo ayaa waxaa soo baxaya arrimo cusub iyo isbedel lagu sameeyay qaab dhismeedka xukuumadii hore iyo shaqsiyaad aan la filayn oo ka mid noqonaya.

Golaha Wasiirada cusub ee Ra’iisal wasaare Xamza Cabdi Barre oo dhismahooda waqti badan qaatay, waxaana arrimaha ku cusub ka mida:

1- In Sheekh Mukhtar Roobow (Abuu Mansuur) oo u xirnaa dowladii Farmaajo uu ka baxayo xabsi gurigii hay’adda NISA ku heysatay, isagoo si toos u noqonaya wasiir ka mida xukuumadda. Arrintan la yaabla leh waxay farriin toos ah uu caddownimo u direysaa Madaxweynaha K/Galbeed C/casiis Lafta-gareen, taasoo halis ku ah wadashaqeyntii dowladda Xasan Sheekh iyo maamulkaasi.

Ad

Wasiirnimada Sheekh Mukhtaar Roobow waxay noqotay arrin si weyn loo hadal hayo oo aan ka saameyn yareyn magacaabista xukuumadda uu ka mid noqday, waxaana loo arkaa qorshe uu wato Madaxweyne Xasan Sheekh.

2- Arrinta labaad ee xukuumadda Xamza ku cusub waxaa ka mida in Xukuumadda laga saaray Wasaaradii Gargaarka oo labadii xukuumad ee hore ku jirtay. Tallaabadan waxay u muuqataa in arrimaha gargaarka laga maamuli doono xafiiska Madaxweynaha, iyadoo dhowaan ergay gaara loo magacaabay, lana bilaabay in Miisaasiyad iyo xafiis gaara loo sameeyo.

3- Arrinta saddexaad ee ku cusub Golaha Wasiirada ayaa ah Wasaaradda Bii’ada oo mar kale dib loo soo celiyay, iyadoo ka mid ahayd wasiiradii dowladii hore ee Xasan Sheekh, marna la hoos geeyay Xafiiska Ra’iisal wasaaraha. Wasaaradan waxaa la sheegay in lacag badan deeq ah looga helayo beesha caalamka, taasoo keentay inay xiiso gaara yeeltao, kana xoog badato wasaaradii Gargaarka.

- Advertisement -

4- Arrinta kale ee aan la flleyn xukuumaddan waa in Wasaaradii Dastuurka meesha laga saaray oo lagu daray Wasaaradda weyn ee Cadaaladda, taasoo ka dhigan in wasaaradan ay tahay mid ka culus sidii hore, wasiirkeeduna noqon doono mid si gaara loo soo xulay oo loo dhiibay mid ka mida saaxiibada Madaxweyne Xasan Sheekh Maxamuud Sheekh.

5- Arrin kale oo xukuumadda Xamza Barre ku cusub waa in Madaxweynaha iyo Ra’iisal wasaaraha ku dhiiradeen magacaabista saaxiibadood, iyagoo aan xeerin rabitaanka madaxda maamul Goboleedyada. Waxaa xilalka sare ee wasiirada xukuumadda cusub qabtay xubno ay si weyn isugu dhaceen madaxweynayaasha Galmudug iyo K/Galbeed.

Ra’iisal wasaare Xamsa wuxuu xukuumadda uu dhisay ku magacaabay ‘DAN QARAN’ balse waxaa ka dhex muuqda inta badan saaxiibadii Madaxweynaha iyo xubnihii xisbiga UPD oo ay ka wada tirsan yihiin madaxweynaha yo Ra’iisal wasaaraha

Xukuumadda cusub waxaa ka muuqda rabitaanka Madaxweyne Xasan Sheekh oo dad badan saluugayaan, ayna qaadan karin madaxda ugu yaraan laba ama saddex maamul Goboleed, sidaasoo ay tahay waxaa la sugayaa ansixinta Baarlamaanka iyo sida ay u howlgali doonto.

- Advertisement -

Dhaqanka siyaasadeed ee xildhibaannada ma ahayn in la diido xukuumad lasoo dhisay, waxaan mar kaliya dhacay in xukuumad uu dhisay Cumar C/rashiid la bedelay, iyadoo cabsi ka timid Baarlamaanka xilligii hore ee madaxweyne Xasan Sheekh.

NAGULA SAAXIIB BARAHA BULSHADA: Like Saar

161,065FansLike
2,523FollowersFollow
6,012FollowersFollow

NAGU SOO BIIR

161,065FansLike
2,523FollowersFollow
6,012FollowersFollow

TOP NEWS

XOGAHA QARSOON