Sunday, April 11, 2021

XOG: Maxaa kasoo baxay kulankii Madaxweyne Farmaajo, Fahad Yaasiin, Qoorqoor iyo Lafta-gareen..?

Waxaa xalay xarunta Madaxtooyada kulan gaara ku dhex maray Madaxweynaha Soomaaliya, Ra’iisal wasaaraha, Agaasimaha Hay’adda NISA, Madaxweynayaasha Galmudug iyo K/Galbeed, kaasoo looga hadlayey xaaladda doorashada.

Kulanka oo muddo dheer qaatay ayaa looga dooday waanwaan uu Madaxweyne Qoorqoor kala yimid shirkii Garowe oo lagu doonayo in xal loogu helo arrimaha hortaagan Doorashada sida; Gobolka Gedo, Guddiyada Doorashada iyo Guddiyada Doorashada Somaliland.

Kulanka waxa ka horeeyay kulamo kale oo si kala gaara u dhex maray shanta mas’uul, waxaana si gaara isu arka Madaxweyne Farmaajo, Ra’iisal wasaare Rooble iyo Madaxweynaha K/Galbeed C/casiis Lafta-gareen iyo Madaxweynaha Galmudug Axmed Qoorqoor iyo Agaasimaha NISA Fahad Yaasiin.

Ad

Xogta laga helay shirka xalay ayaa sheegaya in horumar laga gaaray arrimihii la isku hayey markii Madaxweyne Farmaajo uu ogolaaday inuu xeer jajab ka galo arrimaha la isku hayey, iyadoo Arrinta Gedo la sheegay in xal kooban laga gaaray sidii dhowr xildhibaan loo kala wareejin lahaa, iyadoo dhowr xildhibaan oo kasoo jeeda Gobolka Gedo lagu dooranayo Kismaayo, balse aan weli laga heshiin ciidamada dowladda geysay Gobolka Gedo.

Arrinta Guddiyada Doorashada ayey Madaxweyne Farmaajo iyo Agaasimaha NISA ogolaadeen in laga saaro Guddiyada xubnaha shaqaalaha dowladda ka mida iyo xubnaha ka tirsan NISA ama Ciidamada, iyadoo ay ku xiran tahay in maamullada Puntland iyo Jubbaland ay sidoo kale ka saaraan guddiyadooda xubnaha xilalka haya.

Arrinta Guddiyada Doorashada Somaliland ayuu ogolaaday madaxweyne Farmaajo in xubnaha Guddiga Somaliland kala bar (4) xubnood laga siiyo oo uu soo magacaabo Guddoomiyaha Aqalka Sare Cabdi Xaashi C/llaahi.

- Advertisement -

Madaxweynaha Galmudug Axmed Cabdi Kaariye (Qoorqoor) ayaa wararku sheegayaan inuu sii wadayo waanwaanta, iyadoo dhinacyada kale laga doonayo innan jawaab ka bixiyaan tanaasulka ka yimid dhinaca madaxweyne Farmaajo.

NAGULA SAAXIIB BARAHA BULSHADA: Like Saar

156,477FansLike
2,430FollowersFollow
5,835FollowersFollow
156,477FansLike
2,430FollowersFollow
5,835FollowersFollow

TOP NEWS

XOGAHA QARSOON

error: Content is protected !!